|| श्री शनि चालीसा ||

दोहा
जय गणेश गिरिजा सुवन, मंगल करण कृपाल।
दीनन के दु:ख दूर करी, कीजै नाथ निहाल ॥
जय जय श्री शनिदेव प्रभु, सुनहू विनय महाराज।
करहूं कृपा हे रवि तनय, राखहूँ जन की लाज ॥

जयति जयति शनिदेव दयाला। करत सदा भक्तन प्रतिपाला॥
चारी भुजा, तनु श्याम बिराजै। माथे रतन मुकुट छवि छाजै॥
परम विशाल मनोहर भाला। टेढ़ी दृष्टि भूकुटी विकराला।।
कुंडल श्रवण चमाचम चमके। हिये माल मुक्तन मणि दमके।।
कर में गदा त्रिशूल कुठारा। पल बीच करैं अरिहीं संसारा।।
पिंगल, कृष्णों छाया नंदन। यम कोणस्थ रौद्र दुःख भंजन।।
सौरी मंद शनि दशनामा। भानु पुत्र पूजहीं सब कामा।।
जापर प्रभु प्रसन्न हो जाहीं। रंकहुं राव करै क्षण माहीं।।
पर्वतहु तृण होई निहारत। तृणहु को पर्वत करि डारत।।
राज मिलत बन रामहीं दीन्हा। कैकेईहुं की मति हर लीन्हा।।
बनहूं में मृग कपट दिखाई। मातु जानकी गई चुराई।।
लक्ष्मण विकल शक्ति के मारे। रामा दल चिंतित भए सारे।।
रावण की मति गई बौराई। रामचंद्र सौं बैर बढ़ाई।।
दियो छार कर कंचन लंका। बाजौ बजरंग वीर की डंका।।
नृप विक्रम पर दशा जो आई। चित्र मयूर हार सो ठाई।।
हार नौलख की लाग्यो चोरी। हाथ पैर दरवायो तोरी।।
अतिनिंदा मय बीता जीवन। तेलीहीं सेवा लायो निरपटन ।।
विनय राग दीपक मंह कीन्हो। तव प्रसन्न प्रभु सुख दीन्हो।।
हरीशचंद्र नृप नारी बिकाई। राजा भरे डोम घर पानी।।
वक्र दृष्टि जब नल पर आई। भूंजी मीन जल बैठी दाई।।
श्री शंकर के गृह जब जाई। जग जननी को भसम कराई।।
तनिक विलोकत करि कुछ रीसा। नभ उड़ी गयो गौरीसुत सीसा।।
पाण्डव पर भई दशा तुम्हारी। अमानित भई द्रौपदी नारी।।
कौरव कुल की गति मति हारी। युद्ध महाभारत भयो भारी।।
रवि कह मुख महं धरी तत्काला।कूदी परयो ससा पताला।।
शेष देव तब बिनती किन्हीं। मुख बाहर रवि को कर दीन्हीं।।
वाहन प्रभु के सात सुजाना। जग दिग्गज गर्दभ मृग स्वाना।।
जंबूक सिंह आदि नखधारी। सो फल ज्योतिष कहत पुकारी।।
गज वाहन लक्ष्मी गृह आवै। हय ते सुख संपत्ति उपजावै।।
गर्दभ हानि करै बहु काजा। सिंह सिद्ध कर राज समाजा।।
जांबुक बुद्धि नष्ट कर डारै। मृग दे कष्ट प्राण संहारै।।
जब आवहीं प्रभु स्वान सवारी। चोरी आदि होय डर भारी।।
तैसही चारी चरण यह नामा। स्वर्ण लौह चांदी अरु तामा।।
लौह चरण पर जब प्रभु आवैं। धन जन संपत्ति नष्ट करावैं।।
समता ताम्र रजत शुभकारी। स्वर्ण सदा सुख मंगल कारी।।
जो यह शनि चरित्र नित गावै। दशा निकृष्ट न कबहूं सतावै।।
नाथ दिखावै अदभुत लीला। निर्बल करै जय है बल शीला।।
जो पण्डित सुयोग्य बुलवाई। विधिवत शनि गृह शांति कराई।।
पीपल जल शनि दिवस चढ़ावत।दीप दान देय बहु सुख पावत।।
कहत राम सुंदर प्रभु दासा। शनि सुमिरत सुख होत प्रकासा।।

दोहा
पाठ शनिचर देव को, कीन्हों विमल तैयार।
करत पाठ चालीसा दिन, हो दुख सागर पार।।

बोलो श्री शनिदेव की जय।।